Бу йыл мен ХХ асыргъа аит сиясетчи, назир ве языджы Джафер Сейдаметнинъ яратыджылыкънен таныш олдым.

4 икяеден ибарет («Джын Мамбет», «Миллий дуйгъу», «Унутылмаз козьяшлары», «Ислям ака») бу кичик китапчыкъ мени озюне джельп этти ве ичимде терен теэссурат догъурды.

Икяеде язылгъан эр бир фикирнен мен разы олдым – миллий дуйгъу, къорантада севги, окъувгъа авеслик ве иляхре. C. Сейдаметнинъ пек дюльбер тили бар, икяелерни окъугъанда мен санки бир фильм бакъа эдим. Эсерлерде ачыкъ-айдын косьтерильген ве анълатылгъан проблемлер языджыны керчектен чекиштире эдилер – мен буны дуйдым. Базы меселелер бизим заманымызда даа чезильмеди. Бунынъ акъкъында тюшюнмек керек.

Эр кеске бу муэллифнен таныш олмагъа тевсие этем.

Диляра ТЮКЯНДЖИ