6- şubat, bazartersi, Tükiyeniñ cenüp-şarq tarafdaki bir qaç vilâyetlerinde, saba erte, insanlar daa yuquda olğanda ya da işlerine ketmege azırlanğanda, yani, deyerli, episi evlerinde bulunğanda, deşetli afat — ğayet küçlü zelzele yüz berdi.

Onıñ quveti 7,7 ball (Rihter ölçüvi; 1966-da Taşkentte 5,2 edi) olıp, teprentileri büyük viranlıqqa ketirdi. Biñlernen, şu cümleden, çoq qatlı evler de, bütünley yıqıldı. Amma, eñ accısı ve ağrısı — sayısı daa soñunace belli olmağan — insanlar qurban ketti. Bugünge qadar, 17 134 elâq olğan, 70 347 yaralanğanlar aqqında resmiy malümat bar. Teessüf ki, bu soñ raqamlar degil…

Fena derecede facia munasebetinen qan-qardaş Türkiye halqına, elâq olğanlarınıñ soy-aqrabalarına Qırımdaki cemaatımıznıñ adından teren ve samimiy taziye bildirip, başları sağ olsun, deymiz. Zelzeleniñ cümle qurbanları Alla Taalânıñ rahmetinde olsunlar.

Yaralanğan insanlarğa dert-belâları keçmiş olsun.

Qolumızdan kelgen yardımnı berecemiz.

Nariman Celâl, Şevket Qaybulla, Bekir Mamut, Zair Smedlâ, Enver Yunus, İbraim Çegertma ve diger cemaatçılar, milliy idare qurumlarnıñ azaları.

2023 s. 9- şubat.