Бахтнынъ бир шекли, къокъусы, ренки бармы, аджеба? Эбет, аиледе баланынъ варлыгъынен пейда олур. Айны заманда да сынъырсыз месулиетлик, къуванч ве сонъу олмагъан къасевет пейда ола. Ана я да баба олдынъмы, омюрлик таянч олмалысынъ.

Диварларынъ осе, къалынлаша, къавий темельге мухтадж олалар. Диварлар арткъан сайын ‘аиле’ адлы бина эп къавийлеше. Ичинде исе кулькю, козьяш, саф ярамазлыкълар ве самимиет: балалар керчекни тылсымлы хаялларгъа чевире билелер. Эвнинъ эсас дёрт дивары ола.  Демек бахт – бир дам ки, диварсыз ич турамаз.

Айдер Бобо (Алиев)