Къырымда Эбазер Сетваповнен, белли къырымтатар миллий арекетининъ фааль иштиракчисинен, сагълыкълаштылар. Эбазер агъа Озьбекистан ССРнинъ Пап шеэринде догъды, къоранта 1944 сенеси Къырымдан сюргюн этильген сонъ анда тюшти.

Эбазернинъ бабасы Мустафа оксюз осьти. Ана-бабасы Гурзуфта зенгин адамларындан эдилер. 30-нджы сенелери оларнынъ мулькю тартып алынды, мал-мулькю мусаде этильди. Сейтвап агъанынъ баласыз къорантасы бабаны эвлятлыкъкъа ала. Къартбабасынынъ ерсиз къалдыргъанда, Гурзуфтаки эвини, багъчасыны, юзюм багъларыны ве тютюн аранларыны алып кеттилер. Ананынъ ана-бабасы да эвсиз къалдылар. Ананынъ бабасы Дагъджы Эмир Усеин перронджы эди. Олар Акъмесджитке яшамагъа кочип келелер. Лякин ишгъаль вакътында оларгъа кене Гурзуфкъа къайтмагъа меджбур олдылар. Дженк вакътында бабасы немселер оны машинанен Алманиягъа айдамасынлар деп, Тевиданы (Эбазернинъ анасыны) 15 яшында аджеле суретте акъайгъа бере.

Онынъ миллий арекетте фааль иши 1960 сенесинден башлана, Эбазер Сетвапов Н.С. Хрущев халкъны ватанына къайтармакъ риджа эте.

1967 сенеси Эбазерни ордугъа чагъыралар. Сонъунда Севастопольде ялы бою къаравуллыгъында хызмет эте. Хызмет вакътында, мукеммель тасиль алгъаны ичюн, оны Киевдеки Юкъары денъиз мектебине окъумагъа ёлламакъ истедилер. Лякин миллет джедвели онъа кедер эте.

Демобилизациядан сонъ Эбазер Къырымда къалмагъа тырыша, амма бермедилер. Озьбекистангъа къайтып келе. Лякин, айткъанлары киби, о, ватанында яшамакъ арзусынен энди хасталангъан эди. Ве оны ич бир шей токътатып оламай эди.

Бир вакъытта Эбазир Сетвапов эки ай Москвада миллий арекеттен делегат олып булунды. О, Тимур-агъа Дагъджыгъа ярдым эте эди.

Шу дакъкъадан итибарен онынъ миллий арекетте фааль ишлери башлана. О, 1978 сенеси июнь 29-да наразылыкъ оларакъ озюни якъып ольдюрген Муса Мамутны яхшы биле эди.Саба Эбазер бу акъта Москвадаки генерал Григоренко ве Александр Лавуткъа хабер эте. Эки сааттан сонъ гъарбий радиоларда бу хабер акъкъында лаф юрсетильмеге башлады.

Оны советлерге къаршы фаалиетте, гъарбий радиостанцияларнен багъларда, Москва диссидентлеринде сыкъ-сыкъ къабаатлай эдилер.

Онъа КГБ хадимлеринен ишбирлик япмагъа сыкъ-сыкъ теклиф эте эдилер. Догъмушларгъа Къырымда прописка, квартира, Къырым алий окъув юртларына кирмеге ишандырдылар. Лякин, эльбетте, бутюн бу теклифлерни ред этти.

Генерал Григоренко Къырымгъа зиярет эткен вакъытында, Эбазер агъаны эки кере зиярет эте. Онынъ эвине миллий арекетнинъ корюмли векили, физик Роллан Кадыев де келе. Онъа да миллий арекетимизнинъ етекчилеринден бири Джеппар агъа Акимов, фаальджилер Эсма Уланова, Диляра Абдуллаева, Къурбедин Сулейманов ве дигерлеринен къонушмакъ керек олды.

«Дёрт» муарририети Эбазер агъанынъ якъынларына самимий баш сагълыгъы тилей. Алла рахмет эйлейсин!