Акъмесджитнинъ Чобан-Тёпе (Марьино-2) къасабасынынъ сакини, Миллий арекетке даа Озьбекистанда, яшлыгъында къошулып, Алмалыкъ тешеббюсчи гурухынынъ фааль азасы, 1992 с. Къырымгъа авдет олгъан сонъ секиз йылгъа якъын шу къасабада ерли миллий идаре къурумынынъ реиси, Экинджи Къурултай мебусы, ватанпервер инсан, ерли дин джемиети ве джемаатнынъ ишлеринде фааль иштиракчи, ватанпервер ве адалетпервер инсан

Эскендер Сулейман

76 яшында вефат эткени мунасебетинен онынъ къорантасына — омюр аркъадашы, эвлятларына, джумле якъынларына баш сагълыгъы тилеймиз ве терен тазие бильдиремиз. Алла рахмет эйлесин.

Достлары, сафдашлары.